Plantun de Prouvènço

Pèr coumpara dos planto d'encò nostre

Thapsia villosa & Centaurium erythraea subsp. erythraea

Thapsia villosa

Apiaceae Umbelliferae

Nom en français : Thapsie.

Descripcioun :
L'erbo-à-nòu-camiso trachis dins li relarg roucaious sènso aubre. Si fueio soun pelouso sus li dos faço, 2 à 3 cop divisado e penado emé li darrié tros pulèu óuvalo. D'aquéli d'en aut, soubro pu que la guèno espesso. Lis brout de flour jauno an de 12 à 30 rai sènso bratèio e li fru soun ala e porton ges de péu.

Usanço :
La rusco de racino de sa cousino, Thapsia garganica, que trachis à l'entour de la Mar, es emplegado pèr sougna li mourdeduro de bèsti. Se fai peréu un emplastre. Sèmblo que l'erbo-à-nòu-camiso èi quàsi tant vertuouso, èi peréu di proun purgativo.

Port : Grando erbo
Taio : (0,3)0,5 à 1(2) m
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Thapsia
Famiho : Apiaceae
Famiho classico : Umbelliferae

Coulour de la flour : Jauno
Petalo : 5
Ø (o loungour) enflourejado : 4 à 6 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Tepiero seco - Cresten
Estànci : Mesoumediterran
Couroulougi : Estenoumediterrano
Ref. sc. : Thapsia villosa L., 1753

Erbo-di-fèbre

Centaurium erythraea subsp. erythraea

Gentianaceae

Àutri noum : Fèu-de-terro, Trescalan-rouge, Centaurèio.

Noms en français : Erythrée centaurée, Petite-centaurée rouge.

Descripcioun :
L'erbo-di-fèbre es uno planto renadivo (sus dous an) que trachis dins li prado umido. Li fueio d'en bas , en rouseto soun proun grando e li flour soun en inflourejado sarrado en aut de la cambo.

Usanço :
Ei couneigudo pèr faire fugi la fèbre d'ounte vèn lou noum. Pamens èi pulèu utilisado pèr ativa lou fege e ajuda à la digestioun emé soun goust proun amar (principe di signaturo ?).

Port : Erbo
Taio : Pancaro entresigna
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Centaurium
Famiho : Gentianaceae

Ordre : Gentianales

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 1400 m
Aparado : Noun

Liò : Prado umido - Ribiero - Palun
Estànci : Termoumediterran à Mountagnard
Couroulougi : Pancaro entresigna
Ref. sc. : Centaurium erythraea subsp. erythraea Rafn, 1800

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Thapsia villosa & Centaurium erythraea subsp. erythraea

ges

CCC

ges

Coumpara Erbo-à-nòu-camiso emé uno autro planto

Coumpara Erbo-di-fèbre emé uno autro planto